【健康減肥】瓜子卡路里=白飯!? 新年增肥陷阱 小編教你過年輕鬆瘦

農曆新年除咗食就係食~ 屋企嘅全盒、團年飯、賀年禮盒、仲有年糕……就圍都係係卡路里陷阱。就連細細粒嘅瓜子食20粒就等於一碗白飯嘅熱量。大魚大肉後，想回復身形，以下3個方法幫到你：

蘋果醋減肥

呢個方法連台灣明星林依晨同碧咸嫂Victoria都推薦過！每日飯前或者飯後飲2茶匙(大約15-30mL)嘅蘋果醋再加適量嘅水稀釋，就可以調節血糖，增加飽足感。而且醋喺發酵嘅過程所產生嘅益生菌可以幫助腸胃消化，所以大部分飲用蘋果醋嘅人都認為佢可以解決宿便問題。

菠蘿減肥法

菠蘿含有比蘋果高出3倍嘅膳食纖維，能夠幫助吸附糖分同脂肪！醫學研究亦證實菠蘿中嘅蛋白酶可以有效咁分解蛋白質令消化變得容易。不過菠蘿就比較岩喺飯後食用，用正餐「打底」可以避免菠蘿入面嘅酸刺激到腸胃。

年糕等賀年食品都難免落咗好多鹽同味精，一次過大量咁吸收鈉會引起水腫，而菠蘿中嘅鉀質正正就可以踢走水腫問題。

除咗菠蘿，其實木瓜、奇異果等等酵素較高嘅水果都可以幫助腸胃消化架！

飲水

網上嘅八杯水減肥法曾經係城中熱話，但要咁有規律咁飲水有一定嘅難度~ 

就等小編用多年嘅減肥經驗，為你highlight三個絕對有助減肥嘅飲水時間啦！1. 起身，2. 飯前，3.飯後。起身嘅第一杯水有助腸道蠕動；飯前一杯水就可以降低食慾；飯後一杯水又可以增加飽腹感。用呢個方法飲水幫你輕鬆控制飲食！比起跟住個時間表再跟足份量咁飲容易得多！

最後小編都呼籲各位唔好盲目追求身形~ 減肥都要減得健康！