張繼聰甘做「白老鼠」狂讚謝安琪手勢 笑稱出街食飯只為「等老婆偷師」 接拍煲仔飯廣告勾起中學回憶
近日忙於開騷的張繼聰，趁空檔為快餐店品牌拍攝廣告，仲有機會與「最愛」電單車同場。不過一向貪靚的張繼聰就笑言，電單車有甜蜜負擔：「今次部電單車係自己鍾意嘅style，由車身嘅拉花、頭盔，我其實都有一個係一樣嘅！揸電單車拍攝係開心，可以寓工作於娛樂，但係拍廣告就會麻煩啲，因為戴完頭盔後，髮型亂晒要重新『set頭』，比較花時間。」
張繼聰自爆只懂煮麵「醫肚」，但大讚太太謝安琪廚藝非凡：「太太煮嘢食叻嘅，佢都會為屋企人煮唔同嘅食物、唔同地方嘅美食。但佢唔係淨係煮，仲會整埋擺盤，襯埋啲餐具咁樣，好似去咗餐廳食嘢，好勁！有時我都會帶佢出去食飯，都係想畀機會佢偷吓師！」
呢日拍攝快餐店品牌廣告，勾起張繼聰不少「童年回憶」，仲自認食得「腌尖」：「以前中學『打鐘』就急急腳行去霸位，當年十數元一個午餐，可以出街食飯就會覺得好開心，通常都係食雜扒餐、焗飯，因為夠快手，呢啲都係我嘅摯愛！」
秋意漸濃，正踏入品嚐熱氣騰騰煲仔飯的最佳時候！大快活人氣「阿活煲神焦香煲仔飯」矚目回歸，今季繼續邀請到「識食人夫」張繼聰拍攝「阿活煲神」宣傳片，演繹「一『煲』當關」的暖笠笠魅力。拍攝期間張繼聰大賣口乖，笑指自己與品牌都係崇尚「快活」，仲話希望一直合作一直「快活」！
```
Leave a Comment