《UFO離奇命案》話題繼續爆升Threads零負評洗版 美國獨立發行商並爭相出價爭奪發行權 凌文龍楊偲泳黃德斌等化身Mon Post小隊爆笑回應評論

由凌文龍、楊偲泳、陳湛文、林子傑、黃德斌主演，人氣劇集《大叔的愛》導演郭家禧（CK）及導演李振傑（Jack）聯合執導之大癲黑色喜劇《UFO離奇命案》，累積票房超越250萬，在芸芸暑期猛片中，口碑突圍而出，由公映開始更佔據Threads討論熱度，明日更昂然踏入第三週上映。
 
今個暑假全球票房黑馬均為刀仔鋸大樹的《嚇房》及《愛你致死不渝》，兩片不約而同以新導演、低成本配搭創意概念被受吹捧，更引起國際買家開始著重本地創意電影。而本地薑《UFO離奇命案》亦不遑多讓，除了收獲香港網友海量正評，更將於本周末在加拿大奇幻國際電影節的競賽環節放映，而電影未放映已收到美國獨立發行商高度關注，並爭相出價爭奪發行權，為小本創意電影打下重大強心針！

兩位導演郭家禧及李振傑，以及一眾演員連日留港忙於謝票，不過亦不忘抽空Mon Post回應觀眾評論。好趁電影即將進入第三周上映，眾人先行「賽後檢討」，共同拜讀網友的評論，其中，凌文龍開心Share其中一個Threads上的評論：「只有300萬製作費精密佈局完全唔輸過所謂過億嘅製作，劇情會不斷牽引你嘅思索，直到最後一秒，依然緊扣心弦！」；導演李振傑苦笑回應：「其實我哋呢個故事都死咗過億個腦細胞啊！」
 
至少楊偲泳則留意到另一篇帖文：Renci分享：「以300萬製作、四個場景完成拍攝，有限嘅條件之下搵出令人驚喜嘅敍事結構，荒誕而不失懸疑驚慄的一面，是近期最瘋狂最搞笑嘅Cult片！」Renci笑著反問：「我哋係咪Cult？我覺得我哋係Cult片嘅Cult Cult哋，我聽過個版本係你哋想認真做，但係啲演員演到似Cult片！」；小龍和應：「其實係我哋造成㗎嘛！」戲中CP延續爆笑默契本色！
 
至少戲中吹水唔抹嘴的「星麈大師》黃德斌大受網友好評，德斌分享帖文「黃德斌以前覺得佢好嚴肅，點知喜劇都有一手，係咪《大叔的愛》之後覺醒咗？」；德斌讀出後聞言：「我癡㗎其實！我都係聽導演講，同埋夾下佢哋（凌文龍、楊偲泳、陳湛文、林子傑）咁樣啫。」好拍檔小龍則笑指：「其實德斌不嬲都好搞笑！」

導演李振傑則分享另一則帖文：「一套真係好癲嘅戲，不過真係好睇囉，就算成本低，都完全唔失禮，劇本有趣，左右兩位觀眾笑到抽筋，好似神打咁樣！」女主角楊偲泳見狀則示範神打表情，由戲裡的KOL雯豬，到戲外的本尊都充滿表演慾！而導演郭家禧則對另一篇帖文最有共鳴，他分享：「電影出奇地好睇啊，原來成本只係300萬啊，拍出完整而又有笑位的電影，已算是上乘之作！」導演讀出留言後也補充「其實真係好辛苦！」；作為戰友的小龍道出：「其實好多好多朋友都認為我哋呢個300萬嘅製作係好有誠意囉！」；導演郭家禧反建議： 「咁樣我而家驚下次要挑戰200萬喎！」，在旁導演李振傑笑言：「咁樣搞要喺演員嘅片酬上面開刀㗎喎！」，本身已經不計條件參演Renci則笑指：「我哋冇得再開（開刀）㗎喇，哈哈哈！」

為公開答謝網友支持，被網友神封片中MVP的「阿金」陳湛文（Peter）連同小灰人，今晚將殺入旺角，大派「金」蔗水，以答謝觀眾厚愛！網友只需於指定時間重演片中「我哋地球人唔會同外星人屈服」口號，即可由Peter及小灰人送上金蔗水！

《UFO離奇命案》成功結合懸疑、驚慄與荒誕黑色幽默，故事講述25年前，小學生豪仔於東頭山離奇失蹤，被指遭外星人綁架，成為神秘都市傳說。25年後，一對網紅情侶為吸引流量，重返事發現場拍攝整蠱短片，豈料假戲真做釀成真命案，隨後神秘勒索短訊、外星人現身、眾人離奇失去記憶等荒誕事件接連發生，一切竟與25年前的失蹤案互相呼應，事件愈演愈失控，笑料與反轉不斷。