洪嘉豪沙灘音樂節打開「男性」市場 周興哲現身High爆愉景灣

 

請Like我哋個Page：

生活提案事務所 Lifenews HK

由耀榮文化主辦的恒生銀行呈獻：《TheNextwave XX25 沙灘音樂節》載譽歸來，日前（7月5日）再次降臨愉景灣沙灘，第一場順利完成，吸引數千樂迷入場支持！

洪嘉豪、周興哲成為呢晚焦點，Kaho唱住《黑玻璃》出場時，沙灘尖叫聲四起，觀眾情緒高漲，全場手機燈海拍攝，甚至讓女友騎膊馬撐偶像，認真甜蜜：「依家真係好彩，我仲以為會落雨，所以帶多咗套衫嚟換，連內衣褲都帶埋。今日辛苦粉絲了，冒風雨來支持。」期間有台下粉絲大叫要Kaho除衫：「大家睇下呢幾位咁大隻(台下男粉絲)，仲使我咩！」
Kaho呢晚演繹十一首歌曲，樂迷不時送花、送水槍，佢亦很貼心走近台前與粉絲打招呼：「好多謝各位祼男呀，終於有機會比啲男仔聽吓我唱歌啦，冇諗過佢地識唱我嘅歌，我冇諗過，反而女生就是基本吧！」

而周興哲呢晚擔任壓軸表演，第一首表演歌曲《怎麽了》，成功炒熱全場氣氛，粉絲high和唱，周興哲更不時向觀眾飛吻：「你們好嗎？ 好聽嗎？今日就當演唱會吧 。你們今天有被熱到嗎？我們現在很涼快，辛苦你們了。」期間周興哲大派福利，不斷向Fans派心氹得粉絲好興奮，他更表示9月在紅館舉行演唱會！

呢日音樂節由Charming Way 打頭陣唱新歌《Time for a Miracle 》，主音張明偉不斷叫熱又話中暑，原來係為除衫作鋪排，隨即將上衣掟落台赤膊上陣，健碩身形引起台下粉絲尖叫。而創作歌手蔡宥綺為呢次音樂節，專程學廣東話跟粉絲互動：「今日好熱 飲多d水，小心中雪（暑）。」引得粉絲大笑。
至於台灣組合《我是機車少女》出場不久就開始落雨，幸好只維持10分鐘就停雨，演出未受影響。

來自台灣的鄭沐晴媽媽是印尼人，現場即席教粉絲用印尼話向旁邊人講我愛你，令全場圍繞浪漫氣氛！饒舌歌手Gummy B跟隨其後出場，他笑言製多台灣人因「地震預言」而徹夜未眠，但自己不相信而沒受影響，勉勵Fans要活在當下。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！