今期7仔特意為你帶嚟咗3款全新7仔限定嘅盲盒

 

請Like我哋個Page：

生活提案事務所 Lifenews HK

今期7仔特意為你帶嚟咗3款全新7仔限定嘅盲盒，分別有LULU豬不倒翁盲盒、mofusand購物袋盲盒同埋mofusand辦公室盲盒！由可愛嘅LULU豬同埋軟萌嘅mofusand陪你迎接夏天，款款都色彩繽紛，非常精緻！鍾意抽盲盒嘅你記得唔好錯過，嚟7仔帶曬佢哋返屋企啦！

LULU豬不倒翁盲盒（$85/件）*（即日起陸續到舖）

全套一共有6款普通款及2款隱藏款， LULU豬以化身超萌不倒翁，除咗有紅色、黃色、粉紅色，仲有３款有粉色系半透明款，全部都非常可愛！而另外有２款隱藏款，分別係金色款同埋夜光功能款，非常特別！

mofusand購物袋盲盒（$49/件）*（即日起陸續到舖）

全套6款嘅mofusand購物袋分別用咗鯊魚貓同埋唔同動物造型嘅mofusand為圖案設計，用完之後更可以用連購物袋彈出嘅橡筋圈住，小巧又方便，放喺手袋或背囊可以隨時攞出嚟用！

mofusand辦公室盲盒（$89/件）*（7月26日起陸續到舖）

呆萌嘅mofusand今次化身為上班一族，全套盲盒一共有6款普通款同埋1款隱藏款，將mofusand打工日常展現喺大家面前！辦公桌椅、手提電腦同埋公事包都整得十分仔細，儲齊一套擺office，日日都有mofusand陪你返工！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！