油麻地百寶茶檔 港式早餐大獲好評
請Like我哋個Page：
想食地道港式早餐唔知去邊好？香港茶餐廳及美食關注組谷友推薦 — 油麻地百寶茶檔。呢間茶記最大賣點就係「價廉物美」，每位食客都可以用實惠嘅價錢嘆個靚早餐！
雖然餐牌上嘅食物同一般茶記大同小異，但網民一致讚揚呢到嘅早餐特別好味。餐廳招牌鹹牛肉蛋餅固然深受歡迎，而常餐雙拼粉麵亦十分足料，餐肉唔會薄過張紙，仲會配一條菜心，誠意滿滿嘅份量吸引咗唔少回頭客！
除咗好味，百寶茶檔另一賣點就係價錢相當親民。今時今日要搵到轉出前一丁唔洗加錢嘅茶記已經好難，而呢到唔單止轉丁麵唔洗加錢，凍飲都一樣唔洗，認真難得！
住喺附近，或者喺附近返工嘅你，不妨去嘆番個靚早餐啦！
店舖地址：油麻地炮台街89-93號四喜樓地舖
圖片來源：香港茶餐廳及美食關注組
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment