吳文忻、方健儀私聚談心 憶難開口向女兒坦白病情






 

請Like我哋個Page:

吳文忻日前接受方健儀網台《女人方言》訪問,大談抗癌經過和內心世界。一頭短髮的吳文忻表現精神,經歷生死令心態更為豁達:「當時係去推淋巴,推油師發現我胸好似有硬塊,佢都叫我去檢查吓,去到醫生嗰度佢都唔比我走,即刻要『造影』,真係好痛!」她表示檢查當日正席農曆新年前席,加上要準備女兒生日會,所以只做手術而拒做化療療程:「我好怕比家人知,怕佢哋擔心我,好低調咁入院做完手術就出院。因為我冇做化療,每半年就要去檢查一次,直到上年四月,腫瘤再次變大同埋擴展,我唯有接受化療同埋講出嚟比人知。」 

憂慮家人擔心,文忻一直未懂開口道出病情:「我唔知點同啲女講,到化療前兩星期,覺得要講㗎喇,我話『媽咪生病,係癌症。』,我以為囡囡會好擔心,點知佢話『我係咪要幫你鏟頭髮?』,或者呢個都係教育之一。」

 早年篤信風水,為保事業而「改名」:「以前『吳文忻』呢個名係『大凶』,唔係『大胸』啊!加上做娛樂圈,大把風水令你師傅出嚟幫你『指指點點』,但你依家經歷生死,我都睇得好透,依家叫翻我做『文忻』都唔會介意。」

 回想宣布患癌初期,收到大量信息,令她苦惱不已:「好多朋友短訊嚟都叫我唔使覆,但係有一個唔係咁熟嘅朋友就好肉緊問候,搞到我都唔知點咁,好似聽日就會死咁!」文忻坦言康復後,想圓歌手夢想,揚言將推新歌曲。





 

請Like我哋個Page:

 

你也有精彩的人和事跟我們分享?想查詢廣告合作?請Inbox話我哋知!





沒有留言

Blogger 提供.