觀塘逾50年歷史英發茶冰廳本月底結業 網民大嘆香港舊式茶記買少見少






 

請Like我哋個Page:

英發茶冰廳由1972年開業至今,足足有52年歷史,因其物廉價美,一直都係唔少區內街坊同打工仔嘅茶記首選。

作為一間屹立多年嘅茶記,英發茶冰廳除咗有港人最愛嘅常餐、碟頭飯同炒粉麵,仲有新鮮熱辣出爐麵包同懷舊款式糕點,例如:卷蛋、雞尾包同咖吔多士等等。唔少食客都大讚佢嘅麵包大個又實淨,有香濃牛油味,價錢亦相當公道!有網民就大力推薦餐廳嘅招牌蛋撻,指其曲奇皮咬落酥脆,外脆內嫩,係必試嘅美食。

如今英發茶冰廳面臨結業,唔少食客同網民慨嘆可惜,附近嘅市民都紛紛喺31號前趕去幫襯,每日大排長龍。網民亦分享麵包5點前就會賣曬,如果大家有去一試懷舊茶記風味嘅打算,一定要記得提早去喇!






 

請Like我哋個Page:

 

你也有精彩的人和事跟我們分享?想查詢廣告合作?請Inbox話我哋知!





沒有留言

Blogger 提供.