劉溫馨、龐景峰拍拖現身曬甜蜜 力臻讚黃百鳴唱《記憶棉》:「佢用聲真係唔錯!」
請Like我哋個Page:
每年萬聖節鬼屋深受年青人及遊客歡迎, 耀榮文化今年於旺角鬧市設實體鬼屋《怨靈禁地》, 令每位入場人士有更刺激觀能體驗,盡情釋放尖叫聲浪! 大會邀請一眾藝人率先感受驚悚氣氛,為驚嚇萬聖節揭開序幕。 藝人劉溫馨、龐景峰、莊韻澄、力臻、胡渭康、何婉盈、莫鎮賢、 Cheronne、鄧穎芝等等出席,眾人被嚇到花容失色, 莊韻澄亦不例外:「我係勁細膽、勁怕鬼的,我睇鬼片都會叫、 都唔禁去!我剛剛拍咗套鬼片,都要去啲陰森位, 家人冇幫我求啲咩,要我自求多福!」佢仲話細個在家「撞鬼」, 令她留下陰影,依家盡量少接探靈等工作。
劉溫馨、龐景峰呢晚齊齊現身,但劉溫馨就否認情侶檔「拍拖」 出席活動:「我地係一大班朋友嚟嘅, 我知佢Andrew鍾意玩所以叫埋佢,但係佢靠唔住啊, 所以帶公仔到場搵啲安全感。」 而龐景峰就口花花話唔會保護劉溫馨,仲講明隨時「突襲」對方:「 因為呢度啲工作人員唔可以接觸我地,如果一陣有人拍佢、 摸到佢嘅話就一定會係我!(會唔會帶佢見吓媽咪?) 我呢排工作好忙,返到屋企知道媽咪存在,知道佢有出入, 但好少見到大家。」被問到何時見家長,劉溫馨即時 「口窒窒」:「 可以傾吓動物嘅,我都鍾意小動物,佢又係前輩啦!」
力臻就自爆細膽,不過入行之後令他失去「鬼屋」樂趣:「 因為依家去鬼屋,會用欣賞嘅角度出發, 例如睇吓人哋嘅佈境整得幾靚, 搞到身邊啲朋友都冇晒癮 嫌我唔夠投入,因為好多時我都係睇人地創作搵靈感。( 黃百鳴唱歌片有冇比到靈感你?) 我自己都有教唱歌嘅,我同啲學生講百鳴哥用聲真係唔錯, 可能個唱腔會有唔同,因為每個年代嘅人唱歌嘅方法都會有分別。」 同場的胡渭康就自認大爆,每年都會去鬼屋挑戰膽量!
請Like我哋個Page:
你也有精彩的人和事跟我們分享?想查詢廣告合作?請Inbox話我哋知!
Leave a Comment