谷友不解民豐糯米糍大排長龍 網民留言有讚有彈
請Like我哋個Page:
荃灣民豐粉麵行嘅糯米糍一向有唔少網民大讚,不過每次要買糯米糍都要排隊,有時都要等好耐。有谷友喺茶餐廳及美食關注組留言指唔明白有幾巴閉,但要排隊就咪攪佢咁話,引嚟網民討論,有網民認為糯米糍軟熟、好食;不過亦有網民覺得同普通糯米糍一樣,唔使特別排隊買。好唔好食真係好主觀,都要睇個人口味,不過要排隊真係會令人卻步,你又覺得民豐糯米糍好唔好食呢?
除咗荃灣民豐粉麵行嘅糯米糍出名之外,仲有唔少小店嘅糯米糍都被網民大讚!你又試過未呢!
驊記糕點
即叫即做嘅驊記糕點,皮薄多餡夠新鮮,都係元朗區內出名排隊美食!
地址:元朗安寧路20-24號利群樓地舖
滑嘟嘟
有大埔名物之稱,味道為黑芝麻加火生,餡料足!
地址:大埔鄉事會街8號大埔墟街市及熟食中心2樓CFS29號舖
請Like我哋個Page:
你也有精彩的人和事跟我們分享?想查詢廣告合作?請Inbox話我哋知!
Leave a Comment