名副其實嘅浪漫之都 巴黎奧運創最多求婚場面

 

請Like我哋個Page：

生活提案事務所 Lifenews HK

 

名副其實嘅浪漫之都 巴黎奧運創最多求婚場面

今年巴黎奧運除咗緊張又激烈嘅賽事，仲創造好多各式各樣嘅名場面，而其中不得不提嘅就係求婚喇！

國家隊嘅羽毛球選手黃雅瓊同拍檔喺巴黎奧運混雙羽毛球賽事奪金後，同為羽毛球選手嘅男友劉雨辰喺頒獎典禮上即場向佢求婚。一直追求嘅奧運冠軍得手後更獲男友驚喜求婚，黃雅瓊選手亦忍唔住喜極而泣。現場有份見證嘅觀眾相當興奮，而睇緊直播嘅網民亦都喺社交平台上面祝福佢哋，希望佢哋可以一直甜甜蜜蜜。

而來自法國嘅田徑選手Alice Finot亦喺3000 米障礙賽決賽打破歐洲及自身最佳紀錄後，跑去看台向自己嘅戀人單膝跪下求婚，喺現場接受上萬觀眾嘅慶賀。
除咗喺賽場上求婚，亦有唔少選手選擇喺奧運嘅賽事開始前後，喺瀰漫住浪漫氣氛嘅巴黎向愛人求婚。

巴黎奧組委主席 Tony Estanguet 亦喺閉幕式提到今年係最多選手向另一伴求婚嘅一屆，巴黎「浪漫之都」嘅美譽果真名不虛傳！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！