日本過江龍每日大排長龍超人氣店強勢襲港 日本橋海鮮丼つじ半（TSUJIHAN）足料「海鮮の山」掀起香港一丼二食熱潮

 

請Like我哋個Page：

生活提案事務所 Lifenews HK

日本東京開業10年並且喺國內設有9間分店同台灣設有2間分店，共11分店嘅日本橋海鮮丼つじ半（TSUJIHAN）由2023年7月17日起，正式進駐東涌東薈城開設首間香港區總店！一直以嚟深受日本人同旅客歡迎嘅つじ半，連續6屆榮獲日本全國海鮮丼金賞，現將「一丼二食」嘅新鮮海鮮丼飯同鯛魚高湯嘅原汁原味帶到香港，務求大家身在香港都可以品嚐到嚟自日本美味嘅海鮮丼！

今次小編率先為大家試食咗「梅」同「特上」一丼二食海鮮丼飯 ，一次過享受從冷到熱品嚐極致鮮味，「梅 」嘅食材包括，金槍魚蓉、鮭魚子、貝類、赤蝦、魷魚、金槍魚等，而「特上 」食材包括，增量海膽、增量鮭魚子、紅雪蟹肉、金槍魚蓉、鮭魚子、貝類、赤蝦、魷魚、金槍魚等。日本橋海鮮丼つじ半（TSUJIHAN）嘅「海鮮の山」丼飯有別於坊間一般嘅海鮮丼做法，採用咗多款唔同海鮮切碎再加以混合，打造成一個「海鮮の山」置於丼飯上，因應食客揀選不同級別嘅丼飯，當中會包含金槍魚蓉、鮭魚子、象拔蚌、螺肉、赤蝦、魷魚、金槍魚、鯡魚子(数の子)、紅雪蟹肉、海膽等8至10款豐富食材！

一丼二食海鮮丼飯  從冷到熱品嚐極致鮮味

小編根據食法一「淨食」嘅食法，淺嚐咗兩片配襯特製胡麻醬口味嘅魚生片後，再品嚐拌好秘製醬汁嘅海鮮丼飯，體驗食材最純粹鮮美嘅味道，刺身嫩滑微涼嘅口感亦令人份外開胃。

之後就係食法二「湯漬飯」，當丼飯食剩餘下約1/3份量嘅時候，廚師會將用上數十公斤的鯛魚、各類海鮮同新鮮蔬菜，每日新鮮足料熬製8小時嘅高湯加入丼飯中，然後喺上面加入清香嘅柚子皮，丼飯隨即搖身一變成為鯛魚高湯漬飯！最後將兩塊魚生片放入飯到，等高湯嘅熱力將刺身焯至微熟，令肉質更軟嫩可口，入口即融。

新張期間限定優惠

依家新開張仲有獨家優惠，由2023年7月17日至9月16日期間，凡堂食惠顧任何海鮮丼一客，並喺Instgram發布海鮮丼用餐相片，標註@tsujihan.hk及追蹤tsujihan.hk Instgram專頁，即可獲贈精美「一丼二食」餐具套裝*一套，數量有限，送完即止。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！

2021 8:41 am