FireBird Japanese Grill & Bar新店隆重開幕 多款高質日本食材產地直送到港 體驗日本居酒屋以食伴酒文化
請Like我哋個Page：
今次小編率先為大家試食咗火山熔岩鮭魚卷、即燒九州產霜降A4和牛燒盛合（西冷、牛柳、 肉眼），仲有海鮮燒盛合。
火山熔岩鮭魚卷
同普通日式餐廳嘅鮭魚卷唔同，呢一款火山熔岩鮭魚卷係經廚師酥炸後，淋上由沙律醬、黃芥辣及山葵醬秘製而成的醬汁，再放上經脆炸嘅蘿蔔絲製成，口感豐富之外，入口酸酸甜甜十分之開胃。
除咗味道之外，火山熔岩鮭魚卷嘅造型亦相當吸睛，食之前可以影張相放上社交平台打卡。
即燒九州產霜降A4和牛燒盛合（西冷、牛柳、 肉眼）
各位牛魔王一定要試吓呢到即叫即燒嘅日本產霜降A4和牛，每份盛合齊集西冷、肉眼及牛柳3個不同部位，為咗迎合唔同食客嘅口味，FireBird同時提供岩鹽、炸蒜、山葵及醬油3款調味料，等大家可以因應個人口味配搭不同食法。小編就最推薦點少少岩鹽去食，可以感受到高品質和牛嘅原汁原味！
.jpeg)
海鮮燒盛合
每份海鮮燒盛合入面都跟一隻超新鮮嘅北海道珍寶帆立貝、日本産生蠔同珍寶大蝦，鍾意食海鮮嘅你一定唔可以錯過。FireBird仲好貼心咁準備咗迷你燒烤爐，等大家可以親手烤製呢三種海鮮，保證進食之前都仲係熱辣辣，唔洗驚擺得太耐會攤凍曬！
而喺飲品方面，小編亦都試咗Cocktail 同 Mocktail各一款，分別係Lava Flow 同 Mango-bar de Mocktail。
調酒師用櫻花糖漿、焦糖牛奶及菠蘿汁，再加入新鮮士多啤梨製成Lava Flow，士多啤梨嘅香甜同焦糖牛奶出奇地夾，飲唔到酒嘅辣味之餘，亦都唔會過份甜膩，口味十分之溫合，好適合飲唔到烈酒嘅人或者女仔飲。
Mango-bar de Mocktail(右)
呢款芒果味嘅Mocktail 酸酸甜甜，每杯都會跟一條由FireBird自家製嘅芒果雪條，每條雪條都係用100%芒果肉製成，果味香甜濃郁，再配上清爽嘅梳打基底，啱曬夏天飲！
新張期間限定優惠
依家慶祝東涌東薈城店開業，由2023年7月17日至8月31日期間，凡喺東涌東薈城店堂食惠顧並喺Facebook或Instagram發布FireBird用餐嘅相，並標註@及追蹤FireBird 專頁，即可以享$30折扣點選FireBird 名物特製蒙布朗蛋糕（2至3人前）。優惠商品數量有限，送完即止。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment