【你想要咩形狀就咩形狀】日本sun-star 黑貓擦紙膠
請Like我哋個Page：
大家對於擦紙膠嘅固定印象，可能都係四四方方。而對於黑貓嘅印象，可能係黑色有耳仔、有尾嘅生物。但係你又有冇想像過，你可以自由改變擦紙膠嘅形狀，無論佢變成點，佢都係一隻黑貓呢？
 |
| 圖片來源：sun-star |
文具品牌sun-star旗下嘅一款「貓咪擦紙膠」（ネコゴム）再度引起熱話。一塊純黑色嘅擦紙膠，上面印上兩隻貓眼，簡單嘅設計，目的係俾用家自由決定擦紙膠嘅形狀，設計出獨一無二嘅貓咪。呢款文具嘅設計理念，係將原本作為「消耗品」嘅擦紙膠，賦予全新嘅意義，將「消耗」定義為「改變」，創造出全新形狀嘅黑貓。
 |
| 圖片來源：sun-star |
呢個產品仲曾經獲得「文具提案發想大賽」（第27回文房具アイデアコンテスト），並且正式商品化，俾咁多位文具愛好者，設計出屬於自己嘅貓咪。可以話日本人對文具嘅設計都十分講究、創意滿分！
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment