【毫無罪惡感嘅甜食】日本8月31日 野菜の日 限定粟米蛋糕、薯仔蛋糕
請Like我哋個Page：
日文 野菜（やさい）同數字831嘅讀音相近，「や(８)さ(３)い(１)」，所以8月31日係日本一年一度嘅蔬菜日（野菜の日）。
日本蛋糕店Café comme ca推出2款限定蔬菜蛋糕，用粟米同薯仔製作蛋糕。
 |
| 圖片來源：カフェコムサ |
第一款係粟米蛋糕，本體係海綿蛋糕，抹上厚厚嘅忌廉，中間一堆剝開咗嘅粟米粒，四周圍住切開四分之一、連芯嘅粟米，喺食蛋糕嘅同時又要刨埋粟米，一軟一硬。
 | |
|
而第二款係薯仔蛋糕，蛋糕採用北海道薯仔，底層係厚餅乾撻底，中間兩層由薯仔粒同白朱古力忌廉堆砌而成，係一款甜嘅薯仔料理。
唔知呢款蔬菜蛋糕，會唔會令平時對食蔬菜感到抗拒嘅小朋友嘗試食菜，又或者令女士們喺食甜品嘅過程減低罪惡感呢？
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment