【粵菜X東瀛風情】粵藝館創意粵點 尊貴食材搭配非凡廚藝

 

請Like我哋個Page：

生活提案事務所 Lifenews HK

粵藝館以經典粵菜揉合東瀛風情，推出多款別具特色嘅新派菜餚，藉此提升菜式嘅口感同味道，務求做到色香味俱全。同時，粤藝館亦係一間花膠專門店，所以店內有各式各樣精心烹調嘅花膠佳餚，好味又養生。

融合東瀛與現代元素嘅時尚裝潢

粵藝館嘅環境設計主要以緋紅色同香檳金為主調，簡約而高雅，而裝潢風格就同佢地嘅菜式一樣，係混合咗東瀛同現代元素，希望將粵菜日化料理嘅理念延伸到餐廳環境當中。

餐廳用餐區卡座以拱項設計為主，兩側仲有木調立柱連接天花板，再加上扇形同半圓嘅設計，餐廳空間感十足。設計師仲使用咗大量簡樸日式佈置，緋紅色主調配以襯原木色澤同紋理，加上獨特擺設，勾勒出東瀛美。餐廳附近就係尖沙咀天星碼頭，食客可以將海天一色嘅景致收攬眼下，夜晚仲可以欣賞璀璨夜景，不論朝早定夜晚，顧客都可以盡享維港靚景啦！

粵藝館總共可以容納 133人。而為咗提供寧靜舒適嘅私人用餐體驗，餐廳亦設有私人包廂，每間包廂最多容納 12 人，其中2間包廂仲可以打通隔間，打通後可以容納到36 人！不論係想寧靜地食餐飯，定係同一大班親朋好友熱鬧一下，粵藝館都可以滿足到你！

多款特色經典粵菜

一蟹兩藝：皇室焗釀蟹蓋及炸軟殼蟹伴陳醋野菜沙律

原隻軟殼蟹內釀入滿滿嘅蟹肉、車打芝士、洋蔥等，再配上獨特配方嘅焗製，口感豊富而鮮味濃郁。將蟹身炸件配上自家製陳醋汁，再加埋清新沙律菜，即刻趕走肥膩感，非常清爽。兩種食法都別具特色，帶比你多重享受！

花膠蝦籽柚皮

北非花膠以繁複過程發泡至完美狀態，再加上擁有清新芳郁嘅果香嘅台灣文旦柚皮，放入魚湯炆煮五個鐘，熬煮到「稔、透、化」。上菜再以特級蝦籽作點綴，花膠同柚皮入口即融，係美味養身之選！

魚湯文昌雞

魚湯以兩斤雞骨同新鮮艇魚悉心烹調，無添加多餘調味。以慢火熬煮超過三個鐘之後，湯頭已經變成濃郁嘅奶白色，每嘆濃湯都鮮甜滋味，完全冇油膩感！再配上皮脆嫩滑嘅海南文昌雞，暖胃之餘仲好有營養！

無花果咕嚕肉

選用肥瘦完美均衡嘅本地豬梅肉，軟嫩不油膩。豬梅肉炸得外脆內軟，食落非常多肉汁 ！而個酸甜醬汁係以自家果園種植嘅有機無花果製作而成，酸酸甜甜再搭配香脆爽口嘅咕嚕肉，好開胃！

自家手作蘿蔔糕

蘿蔔糕係每天新鮮製作㗎！選用手切清心蘿萄、本地生曬臘味同頂級瑤柱蝦米，非常足料。再加上獨有手法令糕身蒸得鬆軟不散，最後再煎到金黃香脆。另外仲可以選擇創新麻辣味蘿萄糕，加入特別調製嘅麻辣醬製作而成，香辣惹味！

鮑魚燒賣

燒賣本來就係香港必食嘅經典點心，粵藝館嘅燒賣餡料用咗手切豬腩肉、上盛冬菇及新鮮蝦仁，口感豐富，肉質紮實。加埋手工製嘅燒賣皮薄，再配上鮑汁慢火煨煮四個鐘，最後以爽口彈牙嘅鮑魚點綴，每啖都食到食材嘅鮮味！

避風塘蝦餃

蝦餃餡料選用肉質鮮嫩嘅海蝦，以大火將成粒蝦餃炸至外脆內軟，同時保有蝦肉嘅彈牙，加上避風塘風味配料爆炒，非常惹味嘅鹹辣滋味！

尖沙咀 海港城

九龍尖沙咀海港城海運大廈3樓OT310鋪

Tel. 22972022

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！

2021 8:41 am