【人氣餅店】Valérie Pastry宇治焙茶月餅登場 九件裝限量珍藏禮盒試盡三款流心月餅
請Like我哋個Page：
唔少香港人已經開始預訂月餅，準備同親朋好友一齊慶祝嚟緊嘅中秋節。Valérie Pastry亦提早接受預訂同推出早鳥優惠，希望大家有更多時間準備佳節，開售首日因為太受歡迎，啲訂單多到令伺服器一度無法負荷！今年，Valérie Pastry再推出全新宇治焙茶月餅，特製焙茶餡料口感軟滑，茶香馥郁。而八件裝禮盒亦新增湖水綠色Valérie Green；九件裝限量珍藏版月餅禮盒仲有兩個款式可供選購，並集合所有流心系列月餅，比大家一次過試盡多款口味！
全新宇治焙茶月餅登場
徇眾要求，Valérie Pastry今年終於推出焙茶月餅啦～宇治焙茶月餅使用高級宇治焙茶粉製作，餡料軟滑，每一啖都食得出濃郁而香醇嘅焙茶香氣～而且咖啡因較低，適合鐘意日本茶嘅朋友。而月餅以鬆脆嘅牛油曲奇皮包裹，牛油香同茶香相互交融，唔會互搶風頭，啱曬一眾好茗之人！
九件裝限量珍藏禮盒 試盡多款流心月餅
一直深受喜愛嘅Valérie Pastry嘅九件裝限量珍藏版月餅禮盒包裝夢幻，送禮自用兩相宜。今年嘅九件裝限量珍藏版月餅禮盒有兩款設計，分別係記錄獅子山下動人回憶嘅【香港小兔】同以處處生機為題嘅【花間小兔】。禮盒內含三款最具人氣嘅流心月餅——流心奶黃月餅、流心宇治抹茶月餅、流心伯爵茶月餅，滿足想「全都要」嘅顧客！
一如以往，為支持本地品牌，珍藏版九件裝聯乘本地年青品牌「茶澤」，配上桂花烏龍、普洱或日月潭紅茶茶包其中兩款，咁就食幾多月餅都唔怕膩啦～
.jpeg)
八件裝全新包裝登場 湖水藍綠Valérie Green超精緻
八件禮盒【月滿翩翩】今年換上湖水藍綠色Valérie Green嘅包裝，增添一絲浪漫感，而盒面嘅小白兔喺月下翩翩起舞，非常療癒。全新Valérie Green八件裝禮盒可選流心伯爵茶月餅或蛋黃蓉白蓮蓉兩款月餅，而原本嘅古典綠設計就可以揀蛋黃黑芝麻(4件)及陳皮紅豆蛋黃月餅(4件)、流心奶黃月餅同流心宇治抹茶月餅。
.jpeg)
《一日三餐》聯乘 Valerie再推月餅禮盒
Valérie舊年同港式冰室一日三餐合作推出嘅特別版月餅禮盒大受歡迎。今年兩者繼續合作，設計出【天下太平】月餅禮盒，希望宣揚愛與和平嘅訊息。
早鳥優惠活動
由即日起至8月16號前預訂各款月餅，均可以優惠價購買。四件裝嘅月餅早鳥優惠低至83折，而各款八件裝流心月餅優惠更低至78折！除咗銅鑼灣pop up store，今年旺角銀城中心亦有據點，方便大家購買。今年亦有提供「點對點」送貨，買滿HK$1,600即享免運費優惠！
為咗答謝顧客支持，舊顧客以Valérie 獨有嘅V-point積分可於今年兌換折扣使用。另外， 凡購買【香港小兔】同【花間小兔】九件裝限量珍藏版月餅禮盒，即可獲得「茶澤」購物優惠碼，鐘意品茶嘅你點可以錯過？
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment