【地道泰國菜推薦】尚泰太特聘泰北夫妻檔大廚主打多款惹味泰北家鄉經典菜式
請Like我哋個Page：
雖然泰國旅遊防疫限制解除，不過唔少香港人依然未計劃去旅行。好掛住惹味嘅泰國美食？想喺香港食到道地泰菜？咁位於元朗大陂頭徑嘅尚泰太就啱曬你啦！尚泰太特別聘請咗一對泰北夫妻檔坐鎮，嚴選當地食材，再配以傳統手法烹煮，還原100%泰菜家鄉風味！
餐廳內有多款主打美食。而小編嘅最愛莫過於街頭香燒豬頸肉！啲豬頸肉一嚟到已經散發出陣陣香味，令人垂涎欲滴，食落口香辣惹味，肉質爽嫩多汁，肉邊焦香爽脆，每一塊豬頸肉都十分入味！點埋醬汁一齊食簡直係錦上添花呀～
呢個泰北家鄉冬陰豬手鍋都係必食之選，作為冬陰功迷絕對不能錯過！極為出色嘅冬陰功湯底，酸、辣、香三重風味共治一爐，一食就停唔到口！而個豬手都燜得非常軟腍爽口，令人忍唔住一啖接一啖！
食完咁多香濃泰式美食，又點可以唔食返啲清爽輕盈嘅菜式作結？家鄉惹味鯽魚沙律為一餐豐富盛宴劃上完美句號。鯽魚口感軟滑，伴以酸青芒、香茅、花生等多種配料，營造出清新鮮味嘅風味，值得一試！
想親身享受無與倫比嘅泰菜滋味？快啲嚟一齊食尚泰太啦～
尚泰太
地址︰元朗大陂頭徑 2-12 號華盛樓地下 E 號舖
電話︰6060 4061
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment