【端午節推介】台灣Starbucks推端午禮盒 全新「蜂蜜柚香紅茶星冰粽」登場！

 

請Like我哋個Page：

生活提案事務所 Lifenews HK

夏日熱辣辣，有冇諗過食「粽」都可以消暑呢？Starbucks 適逢今年端午節推出咗最新「蜂蜜柚香紅茶」口味嘅星冰粽，入面除咗有充滿蜂蜜柚香嘅豆沙餡同紅茶餡，外皮亦混入咗柚子皮，令味道層次更上一層樓！

「夏日沁涼禮盒」將會包含Starbucks Signature 嘅經典咖啡口味「摩卡可可星冰粽」，表皮用了咖啡口味，餡料則用上軟質朱古力醬同堅果粒，享受咖啡同朱古力嘅風味配搭。

除咗星冰粽之外，禮盒仲會提供兩款星蕨餅。其中一款嘅「檸檬芝心星蕨餅」用咗帶有檸檬批嘅餅皮，中心夾著各一層檸檬餡同芝士餡，味道酸酸甜甜，非常開胃。另一款「芋泥花生脆糖星蕨餅」嘅內餡就用芋泥包裹著花生醬同糖粒，重新演繹古早風味。

「夏日沁涼禮盒」將會包含「摩卡可可星冰粽」、「檸檬芝心星蕨餅」同「芋泥花生脆糖星蕨餅」各三個；「夏日風情禮盒」則會每款包含各兩個。

「夏日沁涼禮盒」同「夏日風情禮盒」兩款端午禮盒會於5月9號起至5月27號在台灣Starbucks 開放預購，但目前香港Starbucks分店暫時未有任何發售消息，敬請讀者期待。

（圖片來源：Facebook @starbuckstaiwan, 台灣Starbucks官網）

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！