【MIRROR鏡聞版】MIRROR宣布實名制賣演唱會飛 加推MIRO特別場！

 

請Like我哋個Page：

生活提案事務所 Lifenews HK

MIRROR今個暑假就會喺紅館開騷，早前預售門票秒速售罄，開足10場都係一票難求。唔少鏡粉希望公司可以實名制賣飛，令更多鏡粉可以入場；而官方喺琴日亦宣布，公開發售嘅門票將以實名制形式發售，更會加開2場MIRO特別場！

（圖片來源：Instagram @mirror.weare）

其實早前官方已經舉行咗MIRO抽籤認購門票，不過就得2,500個名額、共5,000張門票，僧多粥少令鏡粉們怨聲載道，紛紛要求加開MIRO特別場。今次消息一公開，唔少鏡粉亦表示收貨，留言稱讚公司從善如流，願意聆聽粉絲嘅聲音。

（圖片來源：Instagram @tysonyoshi）

除咗MIRROR之外，Tyson Yoshi亦喺近日宣布，將會喺8月開騷，門票亦會以實名制售賣。佢仲形容到時會好似買機票，提醒粉絲買飛記住要打啱名～小編都好希望實名制賣飛可以杜絕黃牛，等大家都唔使捱炒價，輕鬆入場睇騷！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！