【網絡熱話】荃灣街市靚仔豬肉佬爆紅 網民激讚似MIRROR AK！

 

請Like我哋個Page：

生活提案事務所 Lifenews HK

平時去街市買餸，見到嘅豬肉佬大多數年紀同身型都有返咁上下。不過最近喺荃灣楊屋道街市，就有一名豬肉佬因為太靚仔而爆紅，更被封為「楊屋道AK」！呢名靚仔豬肉佬染上一頭金髮，濃眉大眼加上超深雙眼皮，戴住口罩仍然電力十足。

呢名型爆豬肉佬原來叫阿威，今年36歲，喺楊屋道街市附近嘅新村街「鮮味」豬肉檔工作。阿威爆紅之後，唔少街坊都專程去買肉兼𥄫小鮮肉，有粉絲更喺Facebook開咗「荃灣鮮肉AK應援團」，唔知會唔會推到阿威出道呢？

除咗似AK之外，阿威仲畀人話似MC張天賦、Tyson Yoshi、郭富城、「小豬」羅志祥等等，超有明星相！不過受疫情影響，阿威暫時都係以口罩look示人，充滿神秘感，唔知幾時可以見到佢嘅廬山真面目呢？

（圖片來源：荃灣鮮肉AK應援團 @Facebook）

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！