【張敬軒紅館演唱會】尾場三位嘉賓 王苑之手寫信感動全場 「鏡仔」Ian、Jer encore環節登場

 

請Like我哋個Page：

生活提案事務所 Lifenews HK

 

不知不覺張敬軒26場紅館演唱會已經到咗尾聲，尾場大放送，足足請咗三位嘉賓。 

第一位登場嘉賓就係摯友王苑之Ivana，「皇上皇后」喺台上合唱《留白》，Ivana仲送咗三份禮物俾張敬軒。第一份禮物係自家咖啡品牌嘅吉紙袋，第二份禮物係為有份出演嘅舞台場做宣傳，而最後一份禮物係Ivana嘅手寫信。 

「張敬軒，你過得好嗎？冇見面嘅日子，我同你同好多人一樣都喺度好努力咁追尋自己嘅夢想，有時好困難嘅，但冇諗過放棄，因為放棄咗就會成定局，但唔放棄一路行落去都仲有希望，所以我哋彼此都要繼續努力啦。無論將來會係點，我都祝福你未來有更多個20年，做你夢想做嘅事，生活開心自在。幾年前，我哋喺同一個地方，你問我『如果下一世遇唔翻我，咁點算呢？』我怕你唔記得，所以我依加再提你一次，我會搵翻你。感謝天父賜俾我哋呢位光芒唔係喺頭上嘅王冠，而係由心裡面發出嚟照亮好多人嘅張敬軒。」

信入面講到幾年前張敬軒喺同一個地方問過Ivana「如果下一世遇唔翻我，咁點算呢？」，Ivana驚皇上唔記得，再答一次「我會搵翻你」，搞到皇上直接爆喊，而台下觀眾都好感動。

到咗Encore環節，MIRROR Ian同Jer先後登場。特別改Rundown同Ian合唱《騷靈情歌》，而Ian知道皇上鍾愛收藏古董，送上自己第一架買嘅模型車作為回禮，仲叫皇上等佢買到真車，第一個帶佢遊車河，搞到皇上心都融埋。皇上知道Ian就嚟生日，即場唱咗首生日歌俾佢作為禮物。 

 而Jer拍戲一收工就去紅館同皇上合唱「我的天」，仲帶埋人生買嘅第一隻唱片俾皇上簽名。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！