【中環居酒屋推薦】 超高質日式串燒配清酒 DIY燒棉花糖自製S’mores !

 

喺港島有唔少嘅居酒屋，最近中環又開咗一間！位於小巷嘅Bentori喺中環街市附近，地理位置極方便！木系嘅裝修令客人覺得環境舒適，最啱放工後嚟食串燒同小酌。

小編試咗佢哋嘅Omakase Set配埋House Sake，可以食到前菜、串燒同甜品，女生們絕對夠食。

前菜係烤芝士年糕，外皮脆，一咬落去啲芝士仲會流出嚟！散叫嘅話都好推薦！

串燒方面以雞肉為主，雞皮串燒烤得香脆，毫無油膩感，而雞肉亦十分軟嫩，好出色。另外仲有兩串雞軟骨雞肉棒，雞軟骨增加咗口感，加上醬汁夠晒惹味。

上甜品嘅時候仲嚟咗個迷你燒烤爐比我哋自己DIY S’mores，超特別！

如果大家鍾意飲Sake，佢哋亦有好多選擇，House Sake入口清爽，女生們亦唔怕飲唔慣。

 

Bentori 本格

地址︰中環鐵行里10號地舖

電話︰28388865