【尖沙咀打邊爐推介】打卡必去清朝主題火鍋店 姬松茸鮑魚烏雞濃湯鍋超足料！

 

又有一間主題火鍋店可以比大家邊食邊打卡啦！位於尖沙咀嘅香香宮煮用咗清朝作為主題，卡位仲掛上唔同嘅宮殿名稱，包括當年最多寵妃入住過嘅儲秀宮等等，啱晒打卡！

打邊爐個湯底就最緊要，佢哋每款湯底都落足心機同材料，今次小編試嘅姬松茸鮑魚烏雞濃湯鍋用咗成隻烏雞，鮑魚Size都幾大隻，所有食材都十分新鮮，個湯就咁飲都好正！

松露芝心墨魚丸都好推介，食落松露味好香，一咬開仲有芝士流心，好邪惡啊！

米血糕口感煙韌，令人好掛住台灣嘅美食！

日本梅酒醉蟹柳同陳年花雕醉鮑魚充滿酒香，酒鬼們一定要試下！真龍蝦豚肉餃一食就知真材實料，龍蝦味好出，成隻餃都充滿住海鮮嘅鮮味。

橡果豬口感鮮嫩，淥完都唔會過韌，豬味濃郁，仲帶點奶油香。

和牛肉眼牛味重，雪花分佈平均，質素超好！

 

香香宮煮

地址︰尖沙咀加拿芬道16號金輝大廈1樓

電話︰23381515