【台灣好去處】開關必去！彰化縣超夢幻粉紅湖 少女心爆發

講起粉紅湖，相信大家都會諗起澳洲。不過原來近近哋，喺台灣都可以睇到粉紅湖！近日位於台灣彰化縣漢寶濕地嘅魚塭池水，就變成一大片粉紅海，成為最新打卡勝地。見到大家影嘅靚相，都好似去咗粉紅仙境，真係好夢幻啊～

不過魚池劃分咗幾個區域，除咗一、兩個細池之外，其餘池水都係見開嘅藍色。不過有人就利用呢個特點，影出好似摩西分紅海嘅畫面，更加特別！而魚池係私人地方，但係都開放畀居民遊客免費參觀同影相，大家有機會去嘅話，都要更加珍惜同保護環境啊。

而池水會變成粉紅色，絕對唔係因為人工染料，而係因為池水含有嘅光合菌同有機質結合，發酵而成。所以池水嘅色彩都會隨住含菌量而改變，未必一直都係粉紅色。可惜台灣近日爆發新一波疫情，單日確診再創新高，想去嘅話就要等下先啦。 

（圖片來源：Instagram @chia_hsing1970,alien.cheng,yuan20908,imma_pon）