【🎌日本紫藤花祭 精選4個賞花必去熱點】

 

請Like我哋個Page：

生活提案事務所 Lifenews HK

 日本櫻花節話咁快就過左，睇唔到都唔洗太失望，因為緊接住就係紫藤花季節啦！喺藤架上垂落黎嘅粉紫色花穗，就好似瀑布咁流洩而下，隨風搖曳，延伸成夢幻嘅紫色花隧道，空中散發住清新嘅紫藤花香。咁夢幻嘅畫面，絕對係打卡聖地啊！

原來紫藤花唔似其他花，花季可以長達一季，紫藤花一年只盛開大概30日，而且容易受風雨影響，非常嬌貴，所以快啲趁今年花季趕去觀賞呢個夢幻美景啦！

小編就為大家搵左4個日本旅遊熱門景點喺有紫藤花嘅，Shopping之餘又可以打卡啦~

【東京】龜戶天神

龜戶天神嘅藤花祭喺東京下町嘅賞藤著名景點，同時大約有100株以上藤花綻放，東京塔作為背景。藤花祭期間，周圍仲會有攤販聚集，非常熱鬧，入夜後官方會實行點燈活動，配上盛開嘅紫藤花簡直非常浪漫。

【京都】宇治平等院

喺欣賞宇治平等院鳳凰堂美麗嘅古都建築嘅同時有隨風飛舞嘅藤花同花香，如詩如畫嘅畫面唔喺周圍見到。賞完花之後仲可以飲翻杯純正道地嘅宇治抹茶\抹茶新地，雙重享受！

【奈良】春日大社神苑・萬葉植物園

奈良春日大社嘅神苑「萬葉植物園」種植了約20款品種，高達200棵藤樹，其中有比較早開花，香味較強烈嘅「麝香藤」，同埋粉色嘅「昭和紅藤」等稀有品種。而喺藤花尾聲時，「八重黑龍藤」等品種就緊接盛開，一次就可以欣賞豐富種類，不同顏色嘅紫藤花，非常值得去！

【福岡】河內藤園

最知名嘅夢幻紫藤隧道就在「河內藤園」就喺北九州！陽光喺藤花縫隙中透出，令到紫色、粉色、白色更加相鮮明，呢條藤花隧道真係點影都好靚啊！！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！

2021 8:41 am