【睇見都痛！】 王喜臺灣入境做PCR 被醫護人員捅傷鼻孔
請Like我哋個Page：
王喜噚日喺社交平台上載咗十幾個Post，包括口罩、鼻染滿血漬嘅相，話自己入境臺灣做例行PCR嘅時候，被醫護人員捅傷個鼻，真係望見都覺得痛。而且王喜表示，對方撩傷完自己鼻之後，立即逃離現場，只係知道對方嚟自醫院，要求對方盡快自首。
 |
| 圖片來源：FB@WONG HE王喜 |
 |
| 圖片來源：IG@wong_he |
其後，王喜憶述當時喺台北桃園國際機場B9閘，被一名身高大約1.5米、身穿白色PPE保護衣嘅女性醫護人員，以右手持棉棒，捅入王喜嘅右鼻孔，同時用左手按我後腦往前推。當時王喜有表示感覺痛楚，但對方叫佢忍耐吓，再撩多次鼻，並表示唔會令佢感到有痛楚。最後再一次撩鼻造成右鼻孔流血。
 |
| 圖片來源：FB@呂秋遠 |
其後，呢件事喺台灣網絡上引起罵戰，有台灣律師發文，不點名批評王喜用「自首」、「通緝」、「莊人祥黑白照」嘅心態惡劣，用字同態度唔尊重醫護人員。呂秋遠話，該名醫護人員只係去將樣本轉交化驗，而唔係逃跑。又表示當場有其他醫護想幫王喜止血，但遭拒絕。
事件發生當晚，王喜嘅PCR檢測結果呈陽性。但今日朝早，佢自行做抗原快速檢驗，結果呈陰性，而且撩鼻嘅時候都仲有流血。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment