【新劇速遞】Netflix熱爆韓劇《社內相親》大結局 床戲被批超尷尬？

 

請Like我哋個Page：

生活提案事務所 Lifenews HK

講起近期最Hit韓劇，相信大部分韓迷都會話係《社內相親》。雖然《社內相親》劇情稍嫌老土狗血，但男女主角安孝燮同金世正嘅幽默演技令呢套劇人氣高企，穩佔香港Netflix榜第一位。

劇集播出以來好評不斷，喺琴晚播出嘅大結局更出現長達2分鐘嘅大尺度床戲，安孝燮更大方露出結實身材，隨即引起網民熱議。SBS電視台更加剪輯精華片段上載到社交平台，畀劇迷重溫。

不過唔少網民就批評呢段激情演出好尷尬，皆因劇中男女主角喺客廳擁抱期間不斷轉換地點，令網民不解點解要一直移動，批評床戲「動線超卡」，仲認為導演拍攝角度奇怪，睇完尷尬到忍唔住笑。

（圖片來源：Instagram @sbsdrama.official）

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！