【譚仔女團】MC $oHo & KidNey 與「譚仔女聲合唱團」合唱《夢想成真2022》| 辛辣Rap出人生百味

 

請Like我哋個Page：

生活提案事務所 Lifenews HK

萬眾期待的「譚仔女聲合唱團」（譚仔女團）comeback鉅作終於登場！譚仔雲南米線（譚仔）的「譚仔女聲合唱團」繼去年與林家謙合唱「譚仔廿五周年」主題曲《二十五小》後，今次聯同人氣偶像組合MC $oHo & KidNey為香港人帶來口味特辣的全新hip-hop單曲 ─《夢想成真2022》！新歌今天在各大音樂平台上陸續上架，繼續以音樂衝擊全球樂壇！《夢想成真2022》MV將於晚上6時在譚仔雲南米線YouTube Channel、Facebook、Instagram同步首播。

 

MC $oHo & KidNey 夢想成真            充滿黑色幽默

疫情尚未過去，人生大小計劃延後，很多人都將曾經懷過的夢想擱置，戴上口罩默默生存，忘記了生活的趣味。譚仔紮根香港25年，一向以人為本，便決定要透過新歌為港人在繃緊的生活中輕鬆一下，送上溫暖人情味 ── 生活也許有些苦味，但不要忘記感受其他味道，品嚐一啖米線，希望大家會煥然一新，細味日常中的各種或甜或酸的雋永況味。

 

譚仔特別邀請鬼才組合MC $oHo & KidNey與「譚仔女團」火辣合唱《夢想成真2022》，新歌由鄧東成East City、MC $oHo及獨立音樂人Billy Choi負責作曲，MC $oHo及Billy Choi填詞，鄧東成East City及李一丁監製。歌詞由MC $oHo和KidNey的獨白開始，以黑色幽默方式細訴一般香港市民在疫情前的夢想，包括：「返工唔駛塞車」、「唔駛返咁多工」以及「日日留喺屋企」等。然後，疫情令他們的夢想成真，但他們沒有想過「許願嗰陣 冇諗過搞成咁」，更改變了一般人的生活模式和帶來「希望在明天，明天去咗邊」的種種苦況。

 

就在失意時，譚仔女團rap著「Don’t 驚慌，心情好自然健康」、「世界係難撈 唔難就唔駛你嚟撈」、「我信你一定做到，努力上位係呢鋪」，為二人打氣。二人終明白，既然「控制唔到風雨停唔停」，那便繼續「認真許願」，「無論路程幾遠都要為夢想『而付』出」以及「留得青山在 咁樣先為『之忍』耐」。MC $oHo及Billy Choi更將歌詞內融入了「譚仔話」- 「而付」（魚腐）及「之忍」（豬膶），令這首歌徹徹底底地成為充滿譚仔味。這份放肆與銳利，正是激起香港人的共鳴感。

 

MC $oHo和KidNey希望能透過這次創作為香港人帶來正能量：「我們曾形容前作《係咁先啦！》是文學作品，因為明明沒有片字有關移民，仍能引起大家對移民的想像。這次《夢想成真2022》更是文學作品：蘇軾的《定風波》便有『一蓑煙雨任平生』、『也無風雨也無晴』的曠達超脱想法，我們希望hip-hop能夠將這份正能量更廣泛、更順耳地刻在香港人心上，持續為大家打氣。」

 

「譚仔女團」隊長玲玲姐對於MC $oHo及Billy Choi能夠將譚仔話融入歌詞感到神奇：「最初我們還擔心Hip-hop的節奏會很難掌握，句子被節拍打亂後會很難記，沒想到他們竟能將斷句添上新的意思，太神奇了！」副隊長彩燕姐則特別喜歡hip-hop的中文翻譯名字：「『嘻哈』，一聽就想起快樂的嘻哈歡笑。有時食客聽見『譚仔話』總會忍俊不及，其實我們都不會介意，日常生活壓力多大啊，逗得大家一展笑顏又有何不可呢。歌詞都有說，『心情好自然健康』，所以希望鼓勵大家多唱hip hop，嘻嘻哈哈，自然身體健康！」

 

型格MV奇幻呈現疫下人生百態       譚仔姐姐隨節奏勁力搖擺fing走煩惱

這次MV由著名MV導演Travis Good（何圖）執導。曾執導姜濤《Master Class》、MC $oHo & KidNey《跌嘢唔好搵》及《Black Mirror》、Tyson Yoshi《Christy》等MV的他，於今次《夢想成真2022》同樣發揮出水準。MC $oHo和KidNey身穿譚仔標誌式黃色及綠色頭巾與衣著，於忙碌辦公室見盡勞勞碌碌與營營役役、於的士內與司機一同被外星人騎劫與同化、於髮型屋被剪成冬菇頭，古靈精怪之餘又揭露各行各業的無奈與艱難。然後當他倆在譚仔廚房場景中愁眉苦臉時，「譚仔女團」成員們笑容燦爛地登場，隨節奏勁力搖擺，為二人打氣，又示範專業的服務態度。最後全體在沒有外星人的的士上輕鬆地聞歌起舞，並肩朝著新夢想邁進。

 

Travis Good對於譚仔姐姐們的表現相當滿意：「她們動作相當靈活，幾乎一take收貨！每下搖擺都在節拍上，看著她們的起勁舞動，感覺能夠將所有煩惱都甩走，很有治癒感。」隊長玲玲姐自豪回應：「當然！我們每天在休息時及放工後都有做活力健身操，保持關節健康，加上我們已秘密練習了數星期，經常參考著名rapper Cardi B等的現場表演，能夠獲導演認同實在太開心了！」

 

MC $oHo & KidNey - 夢想成真2022 (feat. 譚仔女聲合唱團)

主唱：MC $oHo & KidNey、譚仔女聲合唱團

作曲：鄧東成EAST CITY、MC $oHo、Billy Choi

填詞：MC $oHo、Billy Choi

編曲：鄧東成EAST CITY

監製：鄧東成EAST CITY 、李一丁

 

我有一個夢想

我希望

大家返工 唔駛塞車

最好 唔駛返咁多工

日日留喺屋企𠻹啦

Please

    

夢想成真  願望好誠懇

許願嗰陣 冇諗過搞成咁

夢想成真  願望好誠懇

許願嗰陣 冇諗過搞成咁

 

每一次 一次  抱住希望等明天

冇諗過個明天 已經等咗兩年

一次又一次 你話希望在明天

我個明天 個明天 究竟去左邊

 

成日頭 痛 痛 痛 晏晝起身 work from home

要撈野 衝 衝 衝 你叫我早啲放工

又冇人工 悶到頭痛

遊樂場封 封 封 你叫我點樣放鬆

 

食個晏 要過三關

新習慣 係戒晚餐 

共渡時艱 但佢話要散

有冇得掹 我有冇得揀    

 

許左咁嘅願 係咪可以唔算

以為好快完 點知 又派消費券

兜咗幾個圈 仲未到又一村 

人算不如天算 我唔會夠個天寸

 

夢想成真 願望好誠懇 

許願嗰陣 冇諗過搞成咁

夢想成真 願望好誠懇 

許願嗰陣 冇諗過搞成咁

 

每一次 一次抱住希望等明天

冇諗過個明天 已經等咗兩年

一次又一次 你話希望在明天

我個明天 個明天 究竟去左邊？

 

Please hold on  講呢句講到口乾

Don't 驚慌  心情好自然健康

世界係難撈 唔難就唔駛你嚟撈 

我信你 一定做到 努力上位係呢鋪

 

馬死落地行 心情唔再悠悠閒

等到個市好返 服務態度要做返啱  

唔呻朝十晚十慘 唔再鬧客人好煩

直頭門都幫佢掹 祝埋佢好聲行

 

搵食就係 滿身泥濘 

唔好同我 扮哂黎明

明唔明 你控制唔到風雨  停唔停

明唔明 我地理得個天 晴唔晴 

 

認真許願 心態唔可以輕率

就算路程幾遠 都要為夢想「而付」岀

發生乜嘢意外 都要學識等待            

留得青山在 咁樣先為「之忍」耐

 

每一次 一次抱住希望等明天

冇諗過 個明天 已經等咗兩年

一次又一次 你話希望在明天

我個明天 個明天  就信多一次先

 

搵食 就係滿身 泥濘 

唔好同我 扮哂黎明

明唔明 你控制唔到風雨 停唔停

 

搵食 就係滿身 泥濘

唔好同我 扮哂黎明

明唔明 我哋理得個天 晴唔晴

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！