【愚人節集合】萬通保哂你學業愛情加考車 Durex推兩餸味安全套 三哥出浴鹽 牛涮鍋研發「精醞湯底膠囊」 仲有傳頒布「禁粥令」？

 

請Like我哋個Page：

生活提案事務所 Lifenews HK

今日係愚人節，唔少商家食肆都有新搞作，不過小編就分唔到係講真定講笑。首先有萬通保險隆重推出「愛情全保」、「考試勁保」同「P牌車神路路保」，喺人生拎高分，買保險都有優惠，不過就只限4月32日投保。

美食方面，就有Durex誠意推出「港式撚手小菜味安全套」，有「餘香茄子」、「梅菜扣慾」、「SHOW ME肉粒」同「咖哩魚蛋」4款口味，夠哂貼地。而三哥就推出「名湯泡泡浴鹽」，甜美番茄湯味同特辣麻辣湯味都香氣十足，同另一半一齊用肯定別有風味。

抗疫之選就有牛涮鍋嘅「精醞湯底膠囊」，一盒有24粒精醞膠囊，每一粒加1公升水就可還原Mou Mou Club招牌湯底，仲有齊8款口味，用嚟打邊爐唔知會唔會防埋Covid？

而一粥麵就大玩食字，上傳咗一段搞笑錄音，話有傳4月2日前會頒布「禁粥令」。小編都要趁「禁粥令」實施之前，快啲去食返幾碗先〜

圖片來源：萬通保險 YF Life,Durex,譚仔三哥米線,MouMouClub 牛涮鍋,一粥麵 @Facebook

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！