【限量推出6000盒】唔準加熱嘅炸雞！ Nene Chicken於台灣推出期間限定「炸雞雪糕」
請Like我哋個Page：
熱辣辣、皮脆多汁嘅炸雞我哋就食得多啦，但最近居然出現咗只準凍食、唔準氣炸又唔準加熱嘅炸雞？
韓國著名嘅連鎖炸雞品牌Nene Chicken有新搞作，佢哋喺台灣推出咗期間限定嘅炸雞雪糕，除咗個盒用返Nene Chicken嘅炸雞外賣盒設計，連雪糕嘅外型都整到同真嘅炸雞髀一樣！
唔好以為得個外表，入面嘅味道就一定冇驚喜！口味係台灣經典嘅冬瓜檸檬雪糕乳酪，揀選最有古早味嘅冬瓜露再加入新鮮檸檬汁，而外層嘅「炸皮」就用咗脆脆嘅粟米片去整，睇得出Nene Chicken都為呢款雪糕花咗唔少心思！
炸雞雪糕喺4月8日已經正式喺台灣指定嘅便利店發售，數量只有6000盒，有網民表示去咗5間便利店都話賣晒！想食而又身在台灣嘅話睇嚟都要逐間逐間便利店搜索啦。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment