【第五波疫情】蔓延娛圈！ TVB多人確診 胡定欣中招 同劇陳豪匿喺露台？Viu TV《季前賽》停拍3星期？

第五波疫情肆虐至今，確診數字仍然每日創新高，唔少藝人都不幸染疫。其中TVB多名藝員相繼確診，包括伍文生、潘靜文、馮盈盈、戴祖儀等等，拍緊新劇《破毒強人》嘅胡定欣亦中招，令到TVB所有劇集都要暫停拍攝至下星期一！

（圖片來源：Instagram @nwuuu）

（圖片來源：Instagram @aimeechan_official）

而喺新劇《破毒強人》擔任男主角嘅陳豪，喺胡定欣確診前同佢有唔少對手戲。而佢亦都以「最高級別」進行自我隔離，就算喺屋企，大部分時間都喺露台生活，就連瞓覺都瞓喺獨立房。

（圖片來源：ViuTV @Youtube）

另外，雖然Viu TV暫時未見有大規模確診，但為咗安全起見，有傳新劇《季前賽》將會停工3星期。希望疫情快啲緩和，劇組們可以繼續拍更多好劇畀大家睇！