【大S離婚短短3個月 宣布同20年前舊愛韓流天王具俊曄閃婚！】
請Like我哋個Page：
自從大S舊年11月宣布同汪小菲結束10年嘅婚姻之後， 外界有好多人討論。 隨即汪小菲就俾人爆出疑似婚內出軌中國26歲女星張穎穎， 當時大S大方作出回應「 對佢來講一切都已經過去咗，現時珍惜當下，祝福小菲。」
相反大S離婚後一直保持低調， 點知今日（8號） 突然宣布再婚， 老公正正就係20年前曾經交往過嘅對象韓團「酷龍」成員具俊曄， 消息一傳出即刻震撼港韓台。
具俊曄喺IG表示「 聽到大S離婚嘅消息之後, 即刻搵返20年前嘅嗰個電話號碼聯絡大S, 好彩電話號碼冇變到佢哋先至可以重新聯繫返。 而且佢哋已經錯過咗好多時間唔可以再浪費， 佢提議結婚，大S亦都接受咗。」而大S 亦都轉發左「歐巴」嘅IG文表示「 人生無常，佢而家好珍惜當下嘅幸福。」
原來佢哋兩個早喺20年前就曾經拍過拖，可惜當時男方經理人公司有禁愛令，而佢亦都係當紅偶像， 所以男方遲遲唔肯公開認愛， 令到大S好受傷。具俊燁曾經喺韓國綜藝節目表示，當時佢哋兩個拍拖大概一年，大S仲曾經為佢喺腳眼上面紋身，紋左「九」，大S原意係想紋佢嘅姓「具」 但大S唔識韓文所以擺烏龍紋錯咗「九」。
具俊曄透露佢哋今次閃婚嘅契機係因為疫情所困，傾咗幾個月電話大家都好想見面，但因為新冠疫情嘅關係，唔係家屬就冇辦法入境台灣，唯有升格為家人先至可以飛到台灣見面。估唔到事隔多年兩人可以重燃愛火， 共諧連理。
圖片來源：
IG @djkoo
IG @hsushiyuan
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment