【COLLAR都居家抗疫？】Winka自彈自唱show靚聲 SoChing 2日冇洗頭？

 第五波疫情嚴峻，娛樂圈都好多藝人、歌星相繼確診，無特別需要都係留係屋企居家抗疫好啲，又可以幫手醫護，減輕佢哋嘅負擔。連近月人氣爆棚嘅女團COLLAR都選擇減低工作量，同市民一齊居家抗疫！

疫情下嘅生活相信打機留係屋企耐都會覺得悶，而COLLAR成員就各自用唔同方式渡過呢段時間。Winka同SoChing都係社交平台post新相同片。

Winka就係社交平台大派粉絲福利，自彈自唱一展歌喉，仲留言同隊友SoChing表白「but I still love you」，哈哈即刻引出SoChing留言「哇 你公開表白 但都係好花心啊」。

而SoChing就post左幾張係屋企嘅素顏照，話自己已經兩日無洗頭，但又覺得幾好睇所以就決定要留倩影。隊員Day仲鬼馬咁留言話呢個post係一個有味嘅po，相信有靚相睇，COLLAR嘅粉絲都唔會介意嘅。