【香港女團史】COLLAR引發新熱潮！ 細數那些年一起追過嘅7組香港女團！

 

請Like我哋個Page：

生活提案事務所 Lifenews HK

 

自從女團COLLAR出道之後，再度引發香港追女團嘅新熱潮！其實香港誕生過唔少女團，出過唔少街知巷聞嘅歌！「即使有天開個唱，誰又要唱」、「又不是80年代寂寞芳心的愛」，相信勾起大家唔少回憶！

雖然有啲組合已經解散，但係亦有組合活躍咗超過廿年，更加曾經有組合衝出香港，登上韓國舞台。今日小編為你介紹那些年一起追過嘅7組香港女團！

1.Twins

圖片來源： Facebook@Twins 蔡卓妍&鍾欣潼 

Twins由蔡卓妍(阿Sa)和鍾欣潼(阿嬌)組成，從2001年出道活躍至今。不論係喺歌、影、視三方面都發展成功。相信唔駛點介紹，大家都唱得出佢哋嘅歌。近年二人都將重心移到內地，早前更合體同容祖兒拍內地真人騷。

2.Cookies

圖片來源：網上圖片

9人女子團體Cookies喺2002年出道，當年被稱為「九餅」。而2003年由9人組合縮減至由鄧麗欣、傅穎、楊愛瑾同吳雨霏組成嘅4人女團。《心急人上》、《Forever Friends》同《宇宙最強》當年唱到街知巷聞，係唔少人嘅青春回憶。但係自2005年各個成員相繼單飛或轉投其他經理人公司，「4餅」漸漸冇再出作品。而楊愛瑾同吳雨霏已經成為人母，較少亮相，但係對於Cookies合體，鄧麗欣表示一切都有可能！

3.2R

圖片來源：Facebook@Rosanne Wong

兩姊妹Race（黃婉伶）同Rosanne（黃婉君）都係喺新加坡成長，喺2002年因為參加歌唱比賽而被星探發掘，因為兩個人嘅英文名都由「R」開頭，而改組合名為2R。最初2R以歌唱組合加入樂壇，作品包括《我們的合唱歌》、《第29天》等等⋯⋯後來進軍演藝畀，Race參與拍攝多部《四葉草》系列，以青春為題嘅偶像電視劇。Race同Rosanne已經組織家庭，暫時冇復出計劃，亦不時分享生活照。

4.3T

圖片來源：網上圖片

3T由鄭希怡（Yumiko）、劉思惠（Maggie）及蔣雅文（Mandy）三位第2代英皇三小花組成，但係推出咗一張唱片《少女蝶》之後就分開各自發展。Maggie 同Mandy已經淡出娛樂圈，而近年嚟「文青女神」Mandy移居台灣經營自家品牌，Yumiko就將事業重心移到內地。

5.HotCha

圖片來源：Facebook@Hotcha 十週年企劃

HotCha由三位成員張惠雅（Regen）、張紋嘉（Crystal）同埋黎美言（Winkie）組成，於2007年正式出道，不過喺2014年宣佈解散。當時以健康、青春同埋唱跳風格，收獲唔少粉絲嘅心。雖然解散嘅原因仍然係個迷，但係喺成軍十周年開咗演唱會，而2020年三人再度個體，上ViuTV嘅《Chill Club》獻唱當年嘅名曲，《對我有感覺》同《You Are My Best Friend》。

6.Super Girls

圖片來源：Instagram@supergirlshk

五位成員趙慧珊（Aka）、蔡明思（Jessica）、吳嘉禧（Cheronna）、陳穎欣（Yanny）同李靜儀（Heidi）喺2010年以跳唱組合Super Girls出道，唔少性感主題嘅跳唱歌曲，例如《鎂光燈下》、《一拍即愛》、《蓓蕾》大受歡迎。近幾年成員一直處於單飛不解散嘅狀態，又多次傳出不和、拆夥等傳聞。今年係成軍第12年，上個月尾合約到期，3位成員已經決定唔再續約。

7.As One

圖片來源：Facebook@As One

圖片來源：YouTube@MBC every1

As One喺2012年正式成立，係籌備超過一年嘅跳唱組合。喺2015年組合成員大洗牌，四名成員Shin、Tania、Chloe及Kira正式喺韓國出道，以Candy Ball嘅韓文版《캔디볼》作為出道歌，成為第一隊進軍韓國嘅香港女子組合。其中一位成員Shin（吳思佳）更加參加過韓國選秀節目《PRODUCE 101》。2017年，成員Nata同Shin因解約而退出組合。目前，Chloe（蘇皓兒）同Kira（陳葦璇）仍然活躍喺香港演藝圈。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！