【內含劇透！】華燈初上第三季公開！殺死蘇媽媽真兇係邊個？

Netflix台劇《華燈初上》第三季喺上星期五正式熱播，故事以日式夜總會「光」為軸心，發生一場又一場嘅命案。

圖片來源：FB@華燈初上

殺死蘇媽媽嘅真正兇手終於揭盅，而兇手就係「光」嘅小姐、蘿絲媽媽喺獄中嘅好朋友 - 花子！ 花子因為蘇媽媽一直針對佢、仲用一切方法去害蘿絲媽媽而引發爭執，喺兇案發生當晚，因為蘇媽媽嘅一句「根本就是一條狗」，勾起花子當年被前男友傷害嘅回憶，而錯手殺死佢。

圖片來源：FB@華燈初上

第二季死者江瀚，因為唔小心拎到花子殺人嘅錄音帶，而畀幫兇警察阿達開車撞死。

圖片來源：《華燈初上》正式預告截圖

有唔少網民表示第二季聽到錄音帶嘅女聲，已經估到兇手係邊個。仲話因為一句說話而殺人，令到成個故事太冇起伏之餘又拖戲。

圖片來源：FB@華燈初上

不過，《華燈初上》除咗用懸疑做賣點，好多支線劇情同演技都值得讚賞同細味。

圖片來源：《華燈初上》正式預告截圖

圖片來源：《華燈初上》正式預告截圖

第三季嘅一大亮點，非男男床戲莫熟。「光」嘅小姐之一，百合唔小心撞破咗自己男朋友，任職牛郎嘅亨利同檢察官葛志浩，除咗有販毒嘅合作之外，仲有一段斷背情！長達90秒嘅男男床戲，睇到觀眾好怕醜！

圖片來源：FB@華燈初上

除此之外，蘿絲媽媽同子維嘅感情都舖排得好好。雖然冇血緣關係，但係長達14年嘅相處，兩人嘅母子情已經好深厚，所以當兩人被迫分開嘅時候都睇到觀眾眼濕濕！

圖片來源：FB@華燈初上

嚟到第三季，網民依舊大讚楊謹華完美飾演蘇媽媽一角，演繹心機極重嘅「好姊妹」！

以殺人案做包裝，去講述各位女性嘅成長，《華燈初上》確實值得一睇！