【手袋保養 正確清潔方法 延長壽命又保值!】
請Like我哋個Page：
精品手袋好似CHANEL、Céline、 Dior、 Loewe等等售價動輒過萬，而且大部份都係以真皮製造，長年累月難免會有刮花嘅使用痕跡。
如果用啱嘅方法去保養手袋可以延長佢嘅壽命之餘仲可以保值，如果手袋污糟咗，隨便使用具有清潔效果嘅濕紙巾去抹，其實可能會越抹越污糟，甚至會令手袋出現白斑呢啲無可挽救嘅情況。先了解自己手袋嘅皮質，再針對進行保養清潔咁就可以有效咁延長手袋嘅壽命㗎喇。
小羊皮：用皮革保養油減輕划痕
矜貴嘅小羊皮表面易被劃花，如果手袋有輕微划痕，可用乾淨手指沾取少量皮革保養油脂，用指腹輕輕咁打圈減弱刮痕，亦要避色被陽光曝曬及接觸高溫的環境。如果手袋接觸到水或油脂，就要即刻用吸水性強的棉布將污漬吸乾，並用輕柔按壓方式擦拭。
如果漆皮用濕布、酒精或者光亮劑去擦拭就會破壞咗佢表面嘅途劑，令漆皮不再有光澤而變得乾裂。如果漆皮刮花左，可以用棉花棒沾上適量的凡士林，同時都要避免被陽光曝曬，因為很容易引起皮革變色的問題。
牛皮：利用過期乳液去污漬
如果牛皮有污跡嘅話，可用過期嘅乳液、面霜將污漬抹走。想保養得更好，就可以每個月擦上專門的皮革護理劑或油脂，可以滋潤纖維令皮質變得更柔軟。如果手袋被水整濕要即刻用柔軟乾布擦乾，然後放在通風陰涼處晾乾就可以。
絨面麂皮：用爽身粉吸收油脂
如果絨面手袋有油性污漬，可以倒少量爽身粉在污漬位，靜待爽身粉吸收油脂。至於頑強污漬例如紅酒漬等，就可以係乾淨白布上面滴幾滴白醋，並輕擦拭污漬部。
荔枝皮：用透明蠟擦拭表面
保養荔枝皮就一定要每1-2個月內，用柔軟嘅棉布沾上皮革保養油並輕輕擦拭，又或者用透明蠟擦拭表面，可以將灰塵清除。
另外，所有手袋都要記住避免被陽光曝曬及禁止放置在潮濕的環境，同時亦要用軟布或防潮紙放入手袋內吸濕及防止變形。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment