【終於剪得頭髮啦！】髮型屋明日起可重開 須實施疫苗通行證 剪頭髮要至少打一針！

 

請Like我哋個Page：

生活提案事務所 Lifenews HK

早前政府宣布收緊社交距離措施，維持至4月20日，以應對嚴峻嘅疫情，期間表列處所要維持關閉。唔少市民諗住要到4月20先有得剪頭髮，紛紛叫苦連天！不過琴日政府表示，考慮到市民對相關服務有實際需要，理髮店／髮型屋獲准於3月10日重開，不過就需要全面實施「疫苗通行證」。

（圖片來源：政府新聞網）

喺「疫苗通行證」下，進入髮型屋嘅顧客必須使用「安心出行」同最少接種一劑新冠疫苗，而工作人員及顧客均須全程佩戴口罩。

至於其他社交距離措施，包括二人限聚令、禁止兩戶以上嘅跨家庭聚會、佩戴口罩要求，以及停止所有大型活動同避免羣組聚集，均會繼續實施。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！