【居家抗疫-執屋斷捨離 善用過期護膚品化妝品 】
請Like我哋個Page：
居家抗疫煲劇煲到悶？ 諗唔到做咩不如試吓幫化妝檯斷捨離啦！
女仔出街見到化妝品護膚品很容易受唔住誘惑就會想買， 就算屋企已經有差唔多嘅產品，都會俾全新嘅包裝或者係期間限定呢啲噱頭所吸引住。 唔經唔覺好多產品喺未用完就已經過咗期， 但揼咗佢又會覺得好浪費。今日小編就教大家幾個過期化妝品護膚品嘅隱藏用法啦！
過期潤唇膏
如果會成日比隻鞋磨損嘅話，可以將過期嘅潤唇膏搽喺摩擦到嘅位置，咁就可以減低雙腳同埋鞋磨擦。另外如果噴香水之前喺肌膚上面薄薄地咁搽少少潤唇膏，亦都可以提高香水留香嘅時間。
過期有色唇膏
銀器用耐左會氧化同埋變黑，失去原有嘅光澤，呢個情況就可以拎唇膏搽喺紙巾或者化妝棉上面，然後反覆咁擦首飾銀器，因為唇膏入面有蠟嘅成份可以令到銀器即刻煥然一新。
過期面霜或者手霜
面霜乳液入面會有一啲乳化劑嘅成份可以有效對抗油污，將過咗期嘅乳霜薄薄地咁樣搽喺皮革制品上面，佢可以取代用嚟抹鞋嘅鞋油，但要小心唔好將有增白劑成份嘅面霜搽喺深色嘅皮革上面啊，有機會造成甩色㗎。
過期洗面奶
就算過咗期嘅洗面奶清潔能力依然係好強嘅，所以可以將洗面奶當清潔劑咁樣用，如果要清洗白波鞋就可以用牙刷點一啲洗面奶，然後重複咁喺白波鞋上面拭刷，再過清水波鞋就可以變返白淨啦。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment