【敷面膜做錯三件事 養膚唔成反而傷害皮膚？】
請Like我哋個Page：
敷面膜相信係唔少女仔一定會做嘅護膚程序之一，皮膚飲飽水， 個人氣息即刻精神晒，即使平時素顏見人都唔怕啦！知道大家都會好注重並且研究美容成份，到底邊一啲係對皮膚好同埋有啲咩唔同嘅成效。
但係除咗要小心選擇面膜嘅成份之餘，其實使用頻率同埋敷面膜嘅時間都會直接影響咗面膜發揮嘅功效。並唔係敷面膜嘅時間越長效果就越好㗎。
小編今日整合左三件敷面膜最容易犯錯嘅事情，做錯咗反而可能會傷害皮膚。
1. 洗面後直接敷面膜
香港空氣污染嚴重，平時出街皮膚表面同埋毛孔之中都會容易堆積左唔少污垢同埋老化角質，所以一定要徹底咁清潔面部同埋卸妝。洗完面之後再用爽膚水輕輕咁抹走皮膚表面嘅角質幫皮膚打好底先，之後再敷面膜就可以令到面膜入面嘅精華完全充分咁滲透到去皮膚底層，發揮到佢最大嘅功效。
2. 每日都敷美白面膜
正所謂一白遮三醜，所以美白係好多女士最注重嘅一環，為咗美白淡斑就每日都好勤力咁做美白護理。但係美白產品入面有好多果酸、杏仁酸、熊果素等等嘅成份，呢啲成份除咗可以去角質之外，亦都有相對嘅刺激程度，如果急於求成反而可能會導致過敏。一個星期最多敷三次就好啦。
3.Paper mask敷超過20分鐘
好多人認為敷面膜時間越長皮膚就有更多時間去吸收精華，而且好多時面膜紙上面仍然有好多精華大家都唔捨得浪費。但其實如果敷太耐反而會造成「倒吸」同埋皮膚泛紅過敏嘅情況。每次根據返包裝所寫嘅時間10-15分鐘就可以㗎喇。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment