【解封有望？】專家倡盡早恢復國際航班 若疫苗接種率達95% 可放寬社交距離措施？

 

請Like我哋個Page：

生活提案事務所 Lifenews HK

政府專家顧問袁國勇同另外2名港大學者，琴日喺《明報》撰文，建議政府制訂復常計劃，爭取喺夏天恢復正常生活。文章提到，現時累積確診已經達幾十萬宗，即使有輸入個案，對整體疫情影響唔大，所以應該盡早恢復國際往來航班，畀打齊針嘅旅客來港。

（圖片來源：政府新聞網）

另外，3名專家亦認為，輕症患者如果家居環境適合隔離，就唔需要送入社區隔離設施；如果疫苗接種率達到或超過95%，可以逐步放寬現行社交距離措施。

不過特首林鄭月娥就形容，用疫苗接種率作為放寬社交距離措施嘅標準係「自綁手腳」，又話咁樣「恐怕令更多人更驚」。目前佢仍然以提高3-11歲兒童同70歲以上長者嘅接種率，同第二針接種率達90%為目標。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！