【第五波疫情】驚蟄冇得打小人？警方稱嚴厲執法 唔警告即罰$5000！

 

請Like我哋個Page：

生活提案事務所 Lifenews HK

每年驚蟄，鵝頸橋附近都會特別熱鬧，唔少市民都會按照傳統，去鵝頸橋打小人，發洩一年以來嘅怨氣。不過今年疫情嚴峻，政府表示，為免大量市民進行驚蟄打小人活動而造成群組聚集，灣仔區議會主席同灣仔民政事務處已經同打小人業者達成共識，驚蟄期間唔會營業。

而警方亦呼籲市民，唔好去鵝頸橋進行驚蟄打小人活動，更表示會喺驚蟄期間嚴厲執法，到時唔會作出警告，將直接向違例人士發出定額罰款通知書！而食物環境衞生署就會安排潔淨服務承辦商，加強有關地點的公眾街道潔淨服務。

（圖片來源：香港旅遊發展局）

（圖片來源：LIHKG）

不過唔少網民就質疑，打小人只係牽涉業者同埋顧客，「兩個人打小人可以犯咩法？」又認為除罩食飯同撩鼻檢測更加高危，暗示政府雙重標準。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！