【開關必去！】小編精選3個新加坡必去景點！了解新加坡嘅異國風情、藝術科學 挑戰自我嘅極限運動體驗！

 

請Like我哋個Page：

生活提案事務所 Lifenews HK

 

新加坡進一步放寛外國旅客嘅入境限制，4月1日起將會全面通關。打齊針嘅旅客，喺出發前48小時內接受病毒檢測，就可以免隔離檢疫入境喇！冇得去旅行咁耐，係咪都好想去新加坡走一轉呢？

小編就精選咗3個新加坡必去景點，漫步小印度欣賞異國風情、藝術科學博物館探索新加坡嘅文化地標、高速刺激嘅戶外極限運動！

1.新加坡小印度

圖片來源：新加坡旅遊局

新加坡小印度係新加坡最受歡迎嘅觀光區之一，從美食、香料、服飾、藝術以及建築都充滿異國氣息。小印度四周嘅建築都色彩鮮豔，一個細小嘅區域，可以俾旅客體驗到各式各樣嘅印度風情，你可以去新加坡最古老的興都教寺廟之一- 維拉瑪卡里雅曼興都廟參觀，亦都可以去小印度拱廊體驗印度彩繪，亦可以去甘貝爾巷發掘印象美食。 相信一個小印度觀光區，已經值得你用一日嘅時間去遊覽！

詳情：https://www.visitsingapore.com.cn/see-do-singapore/places-to-see/little-india/

2.金沙藝術科學博物館

圖片來源：

藝術科學博物館| 濱海灣金沙

濱海灣金沙藝術科學博物館係新加坡最具標誌性嘅文化地標，成個建築外形，就好似一朵盛開純白色蓮花。 館內舉辦過唔少大型展覽，包含藝術、科學、技術同文化嘅探索。近期有有關《進擊的巨人》、《Star Wars》同埋 Buckminster Fuller嘅展覽，對文化藝術有興趣嘅，就趁機會去參觀吓喇！而且金沙附近仲有唔少購物、餐飲、住宿同觀光地點，係好適合旅客嘅必去景點！

地址： 6 Bayfront Ave, 新加坡 018974

詳情： https://hk.marinabaysands.com/museum/about.html

　

3.聖淘沙 MegaZip 叢林滑索

圖片來源：satosa.sg

聖淘沙 MegaZip 叢林滑索擁有全球第一座三線並行繩索，以時速 60 公里飛越湖泊、島嶼、叢林同白沙灘。除咗極刺激之外，仲可以喺滑索嘅時候，飽覽熱帶叢林嘅景色。因為MegaZip 擁有三線並行，旅客可以同同行親友競速，一齊享受從 到海灘嘅快感。

地址：10A Siloso Beach Walk, 099008 Siloso Beach Walk, 新加坡 099008

詳情：https://www.sentosa.com.sg/en/things-to-do/attractions/mega-adventure-park/

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！