【好想賞櫻！】日本2022櫻花花期預測公開！最早福岡3月17已開花 4月尾仲有得賞櫻！

踏入春天，又係櫻花盛開嘅時候。日本氣象株式會社早前就公開咗2022櫻花花期預測，其中福岡最早喺3月17日已經開花，而北海道札幌就最遲，會喺4月26日先開，意味住由3月中到4月尾都可以賞櫻！

（圖片來源：日本氣象株式會社）

日本氣象株式會社仲特設開花儀表，提供櫻花目前開花盛開進展嘅定量指標，仲係每日更新。就連每個賞櫻地點都有獨立嘅盛開率預測，加埋天氣預報，保證大家唔會食白果。

（圖片來源：Instagram @visitjapanhk）

日本最近亦逐漸放寬入境限制，部分地區（包括香港）嘅入境人士如果打齊3針新冠疫苗，就可以唔使隔離！不過暫時都只係接受商務、留學或者長期逗留人士，想去旅行嘅話，就要等下啦。