【V.I.P終於等到！】韓國「天團」BIGBANG宣布回歸！將於春季發表新曲 以4人體制活動 T.O.P約滿離開YG？

 

請Like我哋個Page：

生活提案事務所 Lifenews HK

而家講起韓國男團，大家一定會諗起「世界彈」BTS，不過對於小編呢啲90後韓迷，BIGBANG絕對係一代「天團」。而今日經紀公司YG娛樂宣布，BIGBANG會以T.O.P、大成、太陽、G-Dragon嘅4人體制活動，計劃喺今年春天發行新歌，正式回歸樂壇，仲已經錄好新歌，準備拍攝MV！

（圖片來源：YG Entertainment）

BIGBANG對上一次出歌，已經要數到2018年3月嘅《花路》。其後成員相繼入伍，期間前成員勝利捲入暴力同性犯罪醜聞，最終宣布退團，而T.O.P. 亦因為吸食大麻而備受爭議，令BIGBANG難以重啟團體活動。成員們退伍之後都專注發展個人事業，今次睽違4年再合體，相信V.I.P們等咗咁耐，一定會覺得好感動！

（圖片來源：Instagram @choi_seung_hyun_tttop）

雖然BIGBANG今次會以4人完全體回歸，但係T.O.P就唔會再續約，正式離開YG娛樂。YG娛樂就表示，尊重T.O.P想拓展個人活動嘅想法，強調成員間有經過討論達成共識，只要情況許可，佢隨時都可以加入BIGBANG嘅活動。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！