【又有小花離巢】新聞小花袁思行宣布離開TVB 僅24歲擁高學歷之餘原來仲係游泳健將

喺上年嘅時候TVB嘅新聞主播都相繼辭職，對上一個係加入TVB年幾嘅林可瑩，佢喺上年12月喺社交平台正式宣布離巢。事隔兩個月，又再度有新聞小花離開TVB！

憑住甜美嘅長相，做咗主播冇幾耐已經比網民留意到兼捧佢為新聞小花嘅袁思行喺2月24號於社交平台宣布離巢，並表示從呢一份工學到永遠都唔好限制自己可以行到幾遠。

年僅24歲嘅袁思行中學就讀名校拔萃女書院，之後入讀香港大學嘅新聞系。喺2019年佢去到TVB做暑期實習記者，年底已經轉為兼職主播，上年畢業後正式成為TVB嘅全職主播。

外表充滿住仙氣嘅袁思行原來係一名游泳健將，喺讀書嗰陣參加過「全港運動會」嘅游泳比賽，最叻就係游蛙式。