【冇得剪頭髮！？】中長髮男士感覺更性感不羈 盤點娛樂圈長髮男星造型 男士們係時候睇定學SET頭
請Like我哋個Page：
星期四（2月10日）開始髮型屋停業，唔少人都要今日趕剪頭髮嘅「尾班車」。網上亦開始傳出更多急住剪頭髮嘅「炒車」相。多數男士平均一個幾月就剪一次頭髮，假如防疫措施繼續收緊，個頭又可以點算呢？今日小編就俾大家參考下娛樂圈公認長髮造型更性感、好睇嘅男明星啦！係時候save定學gel頭啦！
1. 鄭伊健 （圖片來源：IG @ekin_cheng_official）
90年代，鄭伊健喺《古惑仔》電影系列飾演嘅陳浩南係曾經唔少人嘅模仿對象。直到而家，佢都保留住中長髮造型，唔少網民都認為佢係一個不老傳說，咁多年喺個樣都冇乜變過。
2. 張景淳 （圖片來源：IG @cheungstanley）
因為拍攝《愛‧回家之開心速遞》飾演龔燁而成功人屋。佢早前更喺訪問提及過留長頭髮係因為鍾情於日本文化，而且唔少細個嘅偶像，例如Beyond嘅家駒同埋張國榮都留過長頭髮，令佢好想試吓。
3. 陳柏霖 （圖片來源：IG @chenbolin)
憑藉《我可能不會愛你》中「大仁哥」一炮而紅。留咗長髮之後嘅佢多咗種日系不羈嘅感覺，散發住性感又危險的氣質，唔少網民都大讚。
4. 蔡一智 （圖片來源：IG @calvinchoy11）
最後，講到長頭髮就不得不提蔡一智，雖然由曾經長髮及腰嘅髮型而家已經剪短咗去到膊頭長度。不過如果髮型屋繼續停業，相信唔少男士都可以跟蔡一智學下打理長髮嘅技巧。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment