【發生咩事？】熊仔頭宣布同Santis解約！Santis疑為熊仔頭老婆 曾被爆同MC行超市 網民：帽事嘅

 

請Like我哋個Page：

生活提案事務所 Lifenews HK

早前MC被網民連環爆料，指佢先後同《造星IV》「索人妻」Ash，同埋《反對無效》MV女主角Santis遊超市。而Santis係Youtube Channel「FH Production」嘅成員之一，更一直被懷疑係熊仔頭嘅老婆，令MC深陷「食人妻」疑雲！當時Santis同熊仔頭都冇公開回應，但今日凌晨，熊仔頭突然宣布喺1月底已同Santis解約，再引起網民熱議！

（圖片來源：Instagram @fhproductionhk）

根據熊仔頭嘅聲明，FHProductionHK已經喺今年1月27日同Santis Chan正式解除演藝經紀合約關係，但就冇詳細解釋原因，只係話「尊重及祝福所有幕前個人選擇」。不過唔少網民都認為今次解約同MC超市事件有關，紛紛用《反對無效》嘅歌詞留言，又安慰熊仔頭「帽事帽事」。

（圖片來源：LIHKG）

（圖片來源：Youtube@MC張天賦）

Santis係MC「名曲」《反對無效》嘅MV女主角，兩人喺MV更有拖手、錫面等不少親熱鏡頭，難怪被懷疑「假戲真做」！喺宣傳《反對無效》時，MC曾經接受陳志雲訪問，喺連番追問下，MC都直認「幾鍾意」Santis，仲話有少少想追對方，而當時Santis自稱冇男朋友。MC嘅取態就非常明顯，唔知會唔會等到Santis親身出嚟解畫呢？

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！