【疫苗通行證正式實施！】行商場超市要掃安心出行兼打針 青衣城一度現巨型安心QR Code？

 

請Like我哋個Page：

生活提案事務所 Lifenews HK

疫苗通行證喺今日正式實施，市民出入商場、超市、街市等新增表列處所都要掃描安心出行。至於針卡就係「被動查核」，雖然唔需要主動出示，但執法人員有機會隨機抽查。唔少商場同超市喺琴晚已經提早張貼安心出行QR Code，做足準備。

（圖片來源：青衣街坊吹水會 @Facebook）

而琴晚有網民發文，話喺青衣城見到有工人，喺柱上張貼超巨型嘅安心出行QR Code，目測成2米高！相信係為咗方便市民可以遠距離掃Code，避免大排長龍，造成人群聚集。

（圖片來源：Instagram @studioincendohk）

不過就有網民質疑，太大張反而更加難嘟，「原本好近已經嘟到，而家起碼要全部人後退20步」。而巨型QR Code去到今朝就已經唔見咗，變成6張小型QR Code。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！