【疫苗通行證】出入商場要嘟安心出行QR Code 繼青衣城後 時代廣場都有巨型QR Code？

 

請Like我哋個Page：

生活提案事務所 Lifenews HK

疫苗通行證喺琴日開始分階段實施，市民出入商場時，雖然唔使主動出示針卡，但係就要掃描安心出行。前晚有市民發現喺青衣城入面，驚現2米高嘅巨型安心QR Code。除咗青衣城之外，連銅鑼灣時代廣場都出現巨型QR Code？

（圖片來源：Instagram @surrealhk）

原來呢張相係以改圖著名嘅surrealhk嘅作品，圖中可見喺時代廣場中庭懸掛咗巨型安心出行QR Code，仲有市民用手機嘟緊，像真度十足！有網民都留言話「分不到真假」，仲話「大過青衣城果個QR Code」。

（圖片來源：阿塗 @Facebook）

另外，插畫家阿塗琴晚亦喺Facebook公開畫作「清零上河圖」，畫中嘅銅鑼灣各商場大廈都貼上大型QR Code，但係路上人影都唔多隻，就連乞兒都因為冇路人而愁眉苦臉。有網民就話見到香港而家嘅景象覺得好唏噓，又話香港已經「成功轉型」，變成「掃碼港」。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！